【Price.com投影機評測】ViewSonic 5款熱賣投影機介紹|X11-4KP.X2000B-4K.M1 mini Plus.M2e.PX701-4KE|VIVIDSTORM黑柵抗光幕

機身細細的M1 mini Plus,M2e,極高性價比的X701-4K

高階娛樂的X11-4K,年度旗艦機型X2000B-4K

今日介紹的係ViewSonic時下比較熱買,關注度比較高的五款投影機

分別係機身細細的M1 mini Plus,M2e,極高性價比的X701-4K,高階娛樂的X11-4K,最後年度旗艦機型X2000B-4K

適合戶外露營的M1 mini Plus

首先介紹兩部細機型M1 mini Plus,和M2e,

屋企有小朋友,或者平時仲意去露營的朋友,可以考慮下M1 mini Plus,原生解像度854×480,120 LED流明,機身細細, 放入褲袋, 完全無難度,除左可以射向牆壁,仲可棟起佢垂直射向天花。內置5000mAh鋰電,也可以用普通行動電源叉電。M1 mini Plus的好玩之處係可更換三色面板,跟Nintendo Switch Lite三款遊戲機同色。

適合家用及戶外露營的 M2e

如果家用想好少少的,可以考慮M2e,白色面板,比M1 mini Plus大一D,原生Full HD1920x1080解像度,1000 LED流明, LED 光源技術,支援高速自動對焦;機身內置Harman Kardon喇叭,聲音會再靚少少,没內置電池,但支援外置叉電,但要注意M2e支援的外置叉電的規格應至少為 45W (15V/3A),且支援 Power Delivery (PD) 通訊協定輸出。

M1 mini Plus和M2e兩部都內置APP STORE,可以下載觀看Youtube/Netflix;內置WI-FI,支援手機畫面無線同屏投射到投影機畫面;內置藍牙,可以連接藍牙喇叭,同時也支援垂直梯形自動修正功能,通過TYPE-C接口連接Switch遊戲主機和手機,有線的方式,顯示Switch和手機畫面到投影機畫面。

適合屋企影音組合想升級到4K的 PX701-4KE

跟住介紹兩部針對家用娛樂,要求4K畫質的投影機 PX701-4KE和X11-4KP

白色尼一部PX701-4KE比較適合要求要有4K又要高性價比,或者玩投影機好多年,配齊一套家庭影院soundbar,只是想升級投影機到4K的朋友,PX701-4KE係最高性價比的,提供4K原生解像度,3,200 ANSI 流明,唔使關燈都可以睇到清晰投影畫像,

支援HDR/HLG 影像內容,SuperColor™ 寬廣色彩技術,支援自動垂直梯形修正功能,和水平梯形人手修正功能

機身没內置APP STORE系統,但只要在USB接口插上一台APPLE TV類似的電視盒子,或者Chromecast Google TV手指,再配合屋企原有的soundbar就天衣無縫,PX701-4KE支援4.2ms Ultra-Fast Input 技術與 240Hz 高更新率,令到遊戲主機的投影畫面非常smooth,屋企有PS5/Xbox尼類遊戲主機的朋友就有福啦

家庭影院 極致娛樂 X11-4KP

現在眼前尼部金色旋轉開關,結合奢華的皮革與金屬表面紋理的投影機,係ViewSonic今年新出的頂級家庭娛樂投影機X11-4KP,佢係之前大受好評的X10-4K升級版,好高興給大家展示新機的資訊。

X11-4KP是真正的 4K UHD 投影機,支援 HDR及HLG信號格式影片 ,與PX701-4K的燈膽光源技術唔同的係,X11-4KP采用ViewSonic最新的第 3 代 LED 技術,125% Rec.709 的電影色彩技術,X11-4KP體現ViewSonic對高品質生活的獨特設計理念,皮革設計的U型抽手,方便把X11-4KP由廳拎入房間,房間離牆1.77m 就可投射 100 吋大屏幕,高速的即時對焦令畫面即刻清晰,新增的4角修正功能,放在床邊側投,也可輕鬆實現,無線投屏,可以把手機屏幕投射到X11-4KP的投影畫面上,內置 Harman Kardon 定制喇叭,比普通的音響喇叭仲要音質響亮而飽滿,好有戲院現場感。關機之後,電動防塵蓋自動關上。

X11-4KP非常適合香港的家居環境,地方空間有好大限制,唔適合安裝一些長焦投影機,而X11-4KP在一張床的長度左右的距離,就可以投射到100吋,佢仲可以有0.8X-1.0X數碼變焦功能,設置更方便。從相同的距離縮小投影圖像以適合您所需的屏幕尺寸,而無需移動投影機。

2022年年度旗艦機型 X2000B-4K

最係尼台ViewSonic 2022年年度旗艦機型X2000B-4K,係ViewSonic 首款 4K HDR 超短焦智慧雷射投影機,第二代雷射螢光技術(有影片顯示X2000B-4K的鏡頭射出鐳射光),支援 HDR及HLG格式影片,100% Rec.709 劇院級色彩

之前幾部投影機,投射到牆上都没乜大問題,但尼一部最好用黑柵幕展示

因為尼一部投影機係超短焦投影,投射比係0.22,只要牆身有少少突出,投影的畫面在凹凸面的變形效果就會加倍顯示,所以我哋建議可以配置黑柵幕或者畫框幕,咁就唔會有變形的情況出現。

X2000B-4K離投影幕只要23 公分的就可投射 100 吋大畫面,支援4角校正可消除歪斜或失真影像,用遙控器按幾個制就可輕鬆搞掂(鏡頭顯示4角校正畫面),機身前面突出的半圓設計係50W Harman Kardon 戲院級喇叭,使用 兩組 10W 高音單元及 15W 低音單元驅動器,帶給您極具感染力與震撼力,同時支援 輸出Dolby/DTS 杜比數位環繞音效 (鏡頭顯示外圍的接線soundbar),支援HDMI ARC 音訊回傳通道(HDMI ARC名詞解釋:一條HDMI線,可同時傳輸視頻和音頻,和回傳音頻),室內soundbar的佈線,就唔使拉咁多線材啦。

佢仲有個配置一樣的孖生兄弟X2000L-4K,白色外殻,好有質感,各位朋友仔可以留意下。

黑柵抗光幕 有助提升投影效果

如果追求更高的視角享受,可以考慮下安裝電動的黑柵抗光地升幕,可以見到尼一款黑柵幕,咁大塊幕布郤係非常平,没話起晒波浪,無論開燈或關燈,都可以清晰顯示投影機投射的畫面,白平衡也比較準確,同時感覺抗光效果比一般抗光幕更加好。

我哋發現,現时投影機的科技日新月異,投影機已經成為生活的一部分,Youtube/Netflix/Disney+尼D潮流視頻APP,也帶動了大家在家居睇戲的需求;而一般家庭電視通常只會在60吋以下,再增大尺寸成本支出就會急增,但投影機無論平或貴,都可以輕易投射出80吋甚至100吋或以上,既可以投射在牆上面,也可以投射去天花,注重健康嘅可以online睇片,跟住大屏幕上面的運動主播一齊做運動。屋企電視就只有一部,屋企人想睇電視,自己有一部投影機想睇片就唔使爭,仲可以變身成一部藍牙喇叭,現時Work at home大行其道,唔少人仲意用電腦連接投影機放大畫面黎工作。

細細的投影機就已經有好多學問,例如解像度/流明/投射比等等,都係我哋選購投影機時需要了解的知識,所以我哋精選左5部投影機,各有不途應用場景和用途,而ViewSonic投影機尼幾年越來越受到歡迎,係因為佢比較專注在家庭娛樂尼一個領域,除了功能緊貼潮流,三年的售後服務也令到消費者受到充分保障。

(M1 mini Plus 一年保養,M2e/PX701-4K/X11-4K/X2000B-4K 三年保養)

相 關 產 品 評 測

第二期消費券 ⎜投影機激減優惠

We will be happy to hear your thoughts

Leave a reply

香港投影
Logo
Compare items
  • Total (0)
Compare
0